?

Log in

Папярэднія 10

06 Кст 2014

Кастрычніцкія заўвагі аб навакольным і навакольных

Рэдка я пішу ў сваім ЖЧ, але вырашыў напісаць свае заўвагі. Можа, каму-небудзь з беларускіх фрэндаў, яны будуць цікавымі. Ужо 3-і месяц жыву ў слаўным горадзе СПб. Вельмі люблю пісаць менавіта СПб, а не Піцер\Санкт-Пецярбург і г.д. Жыццё тут наладжваецца. У вольны час вывучаю ваколіцы СПб ды розныя цікавыя прыгарады. Даследую праз розныя крыніцы, што было ў гэтым горадзе раней, што за людзі ў ім жылі і г.д. Зараз якраз чытаю кніжку аб тым, чым жыў Піцер у пачатку XX ст. (да 1917 г.). Больш за ўсё ўражвае тое, што прайшло ўжо сто гадоў, а пэўныя рэчы ці праблемы захаваліся і па сённяшні дзень. Сапраўды, тут адчуваеш вечнасць гораду, або, калі казаць іншымі словамі, наканаванасць.
З расейцамі зносінаў маю мала. Хіба што з тымі, каго бачу на працы. Увогуле расейцы часам крыўдзяцца на мяне, што я кажу пра нейкую падзею ды падкрэсліваю, што гэта "у вас" або кажу, што гэта зрабілі "вашы". А чаго крыўдзіцца? Я добра бачу і адчуваю, дзе беларус, а дзе расеец. І расейцы для мяне не свае, а замежныя грамадзяне (разам з тымі ж палякамі, украінцамі, немцамі і г.д). Усё ж такі, я лічу, што ў беларусаў няма братоў, а ёсць тыя народы, якія жадаюць нам дабра і тыя, якія жадаюць, каб нас не было і мы зліліся з імі ў адно. Ніякія расейцы не браты - 100%, але і ворагаў у іх я не бачу. Сярод грамадзян так званай РФ шмат адэкватных, цікавых, таленавітых людзей. І ўсё ж такі, адэкватных болей!
На радзіму не цягне. Не ведаю чаму. Можа таму, што тут я маю тое, чаго на радзіме я не меў. Не, я зусім не пра матэрыяльнае, а пра іншае, асабістае. Хто ведае, той зразумее. СПб зусім не выклікае ў мяне агіды і я не стамляюся ад яго, як было з Мінскам апошнія два гады жыцця ў ім. З Мінску мне хацелася хутчэй з'ехаць куды далей і не з'яўляцца там. А тут такога няма.
Вось і ўсё. Каму цікава - пішыце каменты. Буду рады адказаць)

07 Жнв 2014

Зміцер вярнуўся!

Нарэшце аднавіў свой пароль у ЖЧ. На жаль, любімы Livejournal стаў дасылаць лісты на Gmail, якія сталі чамусьці прыходзіць у радзел "сацсеткі", які я ніколі не праглядаў. Дзякуючы службе падтрымцы ЖЧ я ўсё ж такі змог аднавіць пароль да свайго дзённіка, які вяду, дарэчы, з 2007 года)
Даўно тут нічога не пісаў, але неяк захацелася выказацца. Мо нехта прачытае, каму будзе цікава як ідуць справы ў Зміцера, які для кагосьці раптоўна, а для кагосьці і не вельмі раптоўна - знік з нашай любімай Бацькаўшчыны.
Так-так, ад ліпеня я знаходжуся стала на тэрыторыі РФ у стольным градзе Пецярбурзе. Цяпер ужо можна адкрыта сказаць, што дадзенае рашэння распрацоўвалася мною даволі даўно, яшчэ з мінулай восенню. І пасля шматтыднёвых роздумаў, прыкідак ды разважанняў, а таксама парадаў ад розных людзей - я вырашыў пераехаць. Прычынаў для пераезду шмат, але, канешне, сярод асноўнай прычыны пераезду - асабістая (пра якую ведаюць, каму трэба ведаць).
Шчыра кажучы я ніколі не бываў больш за два тыдні па-за межамі Беларусі. А зараз я ўжо вось ужо 5-ы тыдзень знаходжуся ў РФ. Пакуль што яшчэ ідзе працэс адаптацыі. Мой мозг часам забывае, што перада мною знаходзяцца расейцы і часам я фармулюю фразы па-беларуску, але кажу іх па-расейску. Часам расейцы мяне вельмі раздражняюць і напружваюць, а часам наадварот радаюць сваёй адэкватнасцю (так-так - сярод расейцаў хапае адэкватных і прыемных людзей). Пакуль што мне ўсё падабаецца і горад, як мне здаецца, мяне ўспрымае добра. Асаблівых праблемаў я нідзе пакуль што не меў. Спадзяюся, што так будзе працягвацца і далей.
Шкада канешне, што пэўных людзей я не магу зараз бачыць. Людзей, якія заўжды радавалі і натхнялі. Можа і ім мяне не хапае, хто іх ведае. Хацелася, каб больш пісалі мне, а не як пераважна бывае - пішу я і цікаўлюся жыццём іншых. Новых сяброў тут пакуль не займеў, але знаёмыя патроху з'яўляюцца. Хутка будзе нейкая туса сярод мясцовых беларусаў, якую я планую наведаць. Буду інтэгравацца ў мясцовую суполку, так бы мовіць)
На гэтым усё. Усім радасці і натхнення!)

09 Ліс 2013

Як павінны праходзіць цывілізаваныя выбары або нечаканыя ўрокі Грузіі

27 кастрычніка 2013 года ў Грузіі адбываліся прэзідэнцкія выбары. Грузіны абіралі новага прэзідэнта, бо Саакашвілі вымушаны быў сысці, пасля двух тэрмінаў прэзідэнцтва. На гэтых выбарах я меў шчасце з'яўляцца назіральнікам у межах беларускай місіі назірання ад Belarus Watch. Пра палітычную сітуацыю, пэўна, шмат хто з маіх фрэндаў ужо чуў, таму я больш пастараюся расказаць пра сістэму выбараў ды іншыя цікавосткі выбарчага працэсу)

P11109232222
выбаршчык атрымлівае бюлютэнь ад чальца выбарчай камісіі (ён у зялёным)

Цісні далейCollapse )

09 Стд 2013

Што з беларускімі грашыма?

На працягу апошніх тыдняў заўважана, што беларускія грошы знаходзяцца ў вельмі дрэнным фізічным стане. Сустракаюцца шмат пацёртых, парваных (нават 50-100 тысяч), замазаных капюр рознага намінала. Я канешне разумею, што наш "любімы" нацбанк выключыў станок, але ж трэба грошы абнаўляць у абарачэнні. Ці гэта ёсць сведчаннем таго, што ў гэтым годзе адбудзецца дэнамінацыя?

Нічога не зразумела, вось так і жывем...

29 Снж 2012

Ізноў пра мову

Даўно я тут не пісаў, бо страціў цікавасць да ЖЧ, як да дзённіка. Выкарыстоўваю яго толькі для прагляду цікавых блогаў, а таксама фотавандровак людзей з розных кропак свету.
Але напісаць я жадаю пра іншае. Пра нашу родную (для каго як) беларускую мову. Апошнім часам, як мне здаецца, даволі часта сталі з'яўляцца артыкулы пра стан беларускай мовы. Нібыта народ дрэнны, бо не размаўляе на беларускай мове. А ці павінен ён на ёй размаўляць? Навошта людзям навязваць тое, да чаго ў іх няма цягі? Бо любое навязванне - выкліча хвалю супраціву. І было ж такое некалі...
Проста я ўпэўнены, што ад таго што беларуская мова стане пануючай у Беларусі - жыццё лепшым не стане. Бо ўзяць тую ж Украіну, дзе сітуацыя з мовай паляпшаецца (маё суб'ектыўнае назіранне), а вось эканамічнае пагаршаецца. Можна прывесці яшчэ прыклады, але тэндэнцыя зразумелая.
Мне здаецца, што не трэба адбіраць у людзей права выбару. Але разам з тым, трэба даць яму як мага больш інфармацыі пра перавагі выкарыстання беларускай мовы, стварыць пэўныя моўныя брэнды і г.д. Гэта эфектыўна. Але мне яшчэ вельмі непадабаецца, што людзі звязваюць мову і эканоміку. Нібыта ад змены моўнай палітыкі ў Беларусі, зменіцца і эканамічная сітуацыя. Пры чым тут гэта? Зусім розныя ніяк не звязаныя рэчы, якія ніяк не сутыкаюцца, на маю суб'ектыўную думку.
А ўвогуле ўсё гэта пустое і нікому непатрэбнае зараз.

12 Врс 2012

Прыемны адказ ад ЗП "Вэлком"

Атрымаў адказ ад ЗП "Вэлком". Пісаў ім, што нехапае прыстунасці беларускай мовы ў білінгу+указаў на адсутнасць інфармацыйных матэрыялаў на беларускай мове ў офіса Вэлкома. Адказ дае надзею, але трэба каб нехта яшчэ ім напісаў...

P1080474
Цэтлікі:

27 Жнв 2012

Адпіска ад Беларуснафты

Прыйшла адпіска ад Беларуснафты. Пакуль ніякіх зменаў у працы дадзенага прадпрыемства ў галіне беларускай мовы незаўважна...
P1080457

25 Жнв 2012

Добруш - папяровая сталіца Гомельшчыны

Заехаў па паўдні ў Добруш. У горадзе пражывае каля 16 тысяч чалавек. Ад Гомеля да Добруша - 30 км. Кошты квітка на дызель - 3000 бел. руб. У Добрушы знаходзіцца папяровая фабрыка, фарфорны завод, малаказавод, хлебазавод і нават цэгляны завод) Атмасфера ў горадзе не надта, шмат дзе закінутыя мясціны. Прапаную вашай увазе сціслы фотарэпартаж)

P1080379
чыгуначны вакзал

Чытаць болей...Collapse )

23 Жнв 2012

Адзін дзень у Рэчыцы - нафтавай сталіцы Беларусі

З'ездзіў у Рэчыцу - нафтавую сталіцу нашай сінявокай. Ехаў з Гомеля дызель-цягніком. 47 км - 3.200 бел.руб. Горад даволі ўтульны і прыгожы. Неяк адразу пачаў выклікаць пазітыўныя эмоцыі. Таксама адчуваецца што людзі жывуць няблага, бо злых людзей нідзе не сустракаў ды і шмат навабудаў прысутнічае, калі ўлічыць што ў горадзе пражывае каля 65 тыс. чалавек. Калі нехта будзе ў Гомелі - раю заехаць па пару гадзінаў у Рэчыцу. Выкаладаю фоткі+свае каменты.

P1080306
від на Дняпро

P1080308
дызель-цягнік з Гомеля да Рэчыцы

P1080311
чыгуначны вакзал

Чытаць болей...Collapse )

06 Жнв 2012

Новы Гомель: спальныя гета 21-га стагоддзя

Учора разам з групай неабыякавых гамельчан пабываў у новаствораных раёнах Гомеля 104-ым, 94-ым і 96-ым мікрараёнах. Яны знаходзяцца на самым поўдні Гомеля ў раёне Навабеліца (побач з Чарнігаўскай шашой). Прапаную вашай увазе фотасправаздачу+каментары) Агульнае ўражанне - нашыя архітэктары ўсё капіруюць з Мінску і нічога свайго не выдумляюць...



P1080265
Па словах мясцовага жыхара дадзеныя хаткі пабудаваны для "нуждающихся".

Чытаць болей...Collapse )
Цэтлікі:

Папярэднія 10

Кст 2014

S M T W T F S
   1234
567891011
12131415161718
19202122232425
262728293031 

Тэгі

Сіндікат

RSS Atom
Распрацавана LiveJournal.com